გურიაში COVID 19-ის ტესტების პასუხებს უკვე მეორე დღეა 400-ზე მეტი ადამიანი ელოდება. მათ შორის არის სოფელ ზოტის მოსახლეობის ნაწილი, სადაც COVID 19 დაუდასტურდა მეჩეთში მყოფ ადამიანს. ამის გამო, სოფელში უკვე მეორე დღეა მიმოსვლას პოლიცია აკონტროლებს, ადგილობრივები კი პასუხებს ელიან და ტესტების დაგვიანებული პასუხების გამო ხელისუფლებას საყვედურობენ. ამ საყვედურებს არ იღებს დაავადებათა კონტროლის ეროვნული ცენტრის გურიის განყოფილების ხელმძღვანელი არჩილ მჟავია, რომლის თქმით, პასუხების დაგვიანება ლაბორატორია “ბიომედიკა გეორგიას” ბრალია, რომელიც დაკისრებულ მოვალეობას თავს ვერ ართმევს. მჟავია ამბობს, რომ ამ პრობლემის შესახებ საქმის კურში, როგორც ადგილობრივი ხელისუფლება, ისევ დაავადებათა კონტროლის ეროვნული ცენტრის ხელმძღვანელების არიან. _ არ გამოვრიცხავთ, რომ ლაბორატორია შევცვალოთ. დაგვიანებულად გვაწვდიან პასუხებს, რის გამოც, მოსახლეობა გვსაყვედურობს, _ აღნიშნა მჟავიამ. ამ ბრალდებებს კატეგორიულად უარყოფს ლაბორატორიის ხელმძღვანელი, ქართული ოცნების დეპუტატი დავით მდინარაძე, რომელიც მჟავიას იქით უყენებს ბრალდებებს. მდინარაძის თქმით, არჩილ მჟავია მის საქმიანობაში უხეშად ერევა: _ საკმაოდ უცნაურ დავალებებს გასცეს. ხანდახან ითხოვს სხვა ტესტების ჩადგმას, ჩადგმულის ამოღებას. იყო შემთხვევები, როცა მათ დააგვიანეს ტესტების მოტანა და 24 საათი წაგვართვეს, _ აღნიშნავს დავით მდინარაძე და განმარტავს, რომ ტესტებზე პასუხების მიღებას დრო სჭირდება. მდინარაძეს საგანგებო ბრიფინგით უპასუხა მჟავიამ და აღნიშნა, რომ ის არავის საქმეში არ ერევა უხეშად და ითხოვს იმას, რაც ეკუთვნით _ ტესტებზე დროულ პასუხს.
Loading ...