დავუსხათ თუ არა ალკოჰოლიკებს? შოტლანდია კანადის მსგავსად ექსპერიმენტს იწყებს

შოტლანდიის ქალაქ გლაზგოში დაიწყო პროგრამა უსახლკარო ალკოჰოლიკების დასახმარებლად. მათ ალკოჰოლურ სასმელებს უფასოდ დაალევინებენ, მაგრამ ეს მოხდება ექიმების მეთვალყურეობის ქვეშ.

საპილოტე პროექტისთვის, რომელიც შოტლანდიელმა აქტივისტმა და უფლებადამცველმა კარენ მაკკლუსკიმ წამოიწყო, შენობა უკვე ნაპოვნია და შექმნილია სამედიცინო მუშაკთა და სასამართლო ექსპერტთა სამუშაო ჯგუფი.

შოტლანდია არ არის პირველი, ვინც შეეცდება ასეთი სქემის ამუშავებას. ასეთი პროგრამა დიდი ხანია წარმატებულად მუშაობს კანადაში.

ვარაუდობენ, რომ პროგრამის პირველი მონაწილეები იქნებიან გლაზგოს უსახლკარო ალკოჰოლიკები, რომლებიც არაერთხელ იყვნენ დაპატიმრებულები დანაშაულისთვის, რომელიც ალკოჰოლის მძიმე ზემოქმედების ქვეშ იყო ჩადენილი

ამ ადამიანების მკურნალობა და ამგვარი დანაშაულების შედეგების წინააღმდეგ ბრძოლა ბიუჯეტს  ასობით ათასი ფუნტი უჯდება. მაგალკითად, პირველი შვიდი ადამიანი, რომლებიც  საპილოტე პროექტში მოხვდნენ, 1630 წლის დანაშაულში იყვნენ თანამზრახველნი. ერთ-ერთი მათგანი ადგილობრივ საავადმყოფოში 427 ჯერ მოხვდა.

ყველა ამ ადამიანმა არაერთხელ სცადა ალკოჰოლზე დამოკიდებულების მკურნალობა, მაგრამ უშედეგოდ.

მაკკლასკი იმედოვნებს, რომ სპეციალისტების მეთვალყურეობის ქვეშ, ეს ადამიანები ნაკლებს დალევენ, მათი ჯანმრთელობა გაუმჯობესდება და, შესაბამისად, მათი შენარჩუნებისთვის ნაკლების საბიუჯეტო სახსრები იქნება საჭირო.

www.bbc.com

.