ვაჟა გაფრინდაშვილი არის მხნედ და ბუნებრივია მხნედ იქნება. ეს არის ადამიანი რომელსაც ციხეში ყოფნის დროს არ შეშინებია ციხის და სასჯელის, – ამის შესახებ „ევროპული საქართველოს“ ერთ-ერთმა ლიდერმა დავით ბაქრაძემ ჟურნალისტებს უკანონო პატიმრობიდან გათავისუფლებული ვაჟა გაფრინდაშვილის მონახულების შემდეგ განუცხადა.
ბაქრაძის თქმით, ვაჟა გაფრინდაშვილი სამაოქალაქო გმირობის მაგალითია.
„ვერ დავასწრებ ვაჟას თვითონ გააკეთებს განცხადებას. ის მხნედაა, ყოჩაღადაა. ასე რომ არ ყოფიულიყო ამ გმირობას არ ჩაიდენდა. პრობლემები როგორ არ იყო, ფიზიკური პრობლემებიც იქნებოდა, გაჭირვებაც. ცხინვალის იზოლატორში ყველას გვესმის რა პირობები იქნებოდა, მაგრამ ერთი წამი არ დაუწუწუნია. ამ ადამიანმა გააკეთა შეგნებული არჩევანი და თავისი ქვეყნის სიყვარულით წავიდა ციხეში. ნეტა ყველა ვიყოთ ასე მხნედ და ასეთი არჩევანი გავაკეთოთ, როგორი გმირიც ვაჟა გაფრინდაშვილია“, – განაცხადა ბაქრაძემ.
Loading ...