დადიანების სასახლის აღსადგენად ამერიკის საელჩომ 300 000-დოლარი გამოყო

დადიანების სასახლის აღდგენა იწყება. ამის შესახებ ინფორმაციას აშშ საელჩო საქართველოში ავრცელებს.

მათივე ინფორმაციით, ამერიკის საელჩომ ამისათვის სამასი ათასი დოლარი გამოყო.

“სიხარულით გიზიარებთ, რომ საქართველოს კულტურული მემკვიდრეობის ამ უმნიშვნელოვანესი ნაგებობისა და მისი ფასდაუდებელი კოლექციის დასაცავად ამერიკის საელჩომ 300 000 დოლარი გამოყო. თანხა უმთავრესად დედოფლის სასახლის შენობის აღდგენას და მასში დაცული ისტორიული არტეფაქტებისთვის საგამოფენო სივრცის მოწყობას მოხმარდება”, – ნათქვამია ინფორმაციაში.