უკრაინელი სამხედროები მოუწოდებენ სამოქალაქო პირებს, რომ ყველაფერი გააკეთონ, რათა გააჩერონ აგრესორი და ამისთვის მათ ხელთ არსებული ნებისმიერი საშუალება გამოიყენონ. ინფორმაციას pravda.com.ua იუწყება.
„ჩვენ, უკრაინის შეიარაღებული ძალები, უშიშროების სამსახური, პოლიცია უკრაინისთვის და ქვეყნისთვის სიცოცხლეს ვდებთ და თქვენგან ვითხოვთ, რომ ისე გააკეთოთ, რომ დაგვეხმაროთ ამ სიბოროტის დაძლევაში. ჩვენს ტერიტორიაზე მოწინააღმდეგის გადაადგილების შესაჩერებლად!
თუ დაინახავთ სატანკო კოლონას, მას უკან საწვავის მანქანები მოჰყვებიან, როგორც წესი. გააკეთეთ ყველაფერი, რომ მათ გადაადგილება ვერ შეძლონ. დაბლოკეთ გზები, წააქციეთ ხეები, გაშალეთ მავთულები. ნებისმიერი მეთოდი მისაღებია. არ არის საწვავი – არ არის ტექნიკა.
თუ ხედავთ, რომ კოლონა ტყეში შევიდა, წააქციეთ ხეები, დაბლოკეთ, რომ გამოსვლა ვერ შეძლონ. თუ ზუსტად იცით, რომ ეს მტერია, დაწვით ტყე – ახალი ხეები ოკუპანტების ძვლებზე გაიზრდება.
თუ გყავთ ექსკავატორები, დასახლებულ პუნქტებთან გზები გადათხარეთ, რომ მტერმა ვერ გაიაროს. ნუ ელოდებით, რომ ამას ვინმე თქვენს ნაცვლად გააკეთებს.
თუ გაქვთ სნაიპერიანი სამიზნის მქონე იარაღი – არ არის აუცილებელი მტერს ეძგეროთ – ესროლეთ დისტანციიდან ბორბლებში, ეს ტრანსპორტს გააჩერებს, შემდეგ კი – მდგომარეობის მიხედვით.
მოხსენით დასახლებული პუნქტების მაჩვენებლები, თქვენ ისედაც შეგიძლიათ ორიენტირება, მტერს კი – არა. თუ გკითხეს. სად იმყოფებიან, არ უთხრათ ზუსტი ინფორმაცია, შეცდომაში შეიყვანეთ.
თქვენ უკვე იცით რაღაცა ნიშნების შესახებ, რომელსაც დივერსანტები სვამენ მნიშვნელოვან ობიექტებთან – მიასხით საღებავი, მიაყარეთ მიწა, წაშალეთ ისინი.
თუ ხედავთ, რომ მოწინააღმდეგე გიახლოვდებათ, დაწვით თივა, საბურავები, შავი კვამლის დანახვისას მტერი იფიქრებს, რომ ეს პუნქტი უკვე დაიბომბა და ამით თქვენ დროს მოიგებთ“, – წერია სამხედროების მოწოდებაში.
Loading ...
