დაახლოებით 1 საათის განმავლობაში საქართველოში 3 მიწისძვრა მოხდა

დღეს, 11 ივლისს 08:36-დან 09:18 საათამდე საქართველოში მოხდა სამი მიწისძვრა. სამივეს ეპიცენტრი დმანისის მახლობლად, სოფელ სამებასთან იყო.

სეისმური მონიტორინგის ეროვნული ცენტრის ვებსაიტზე გამოქვეყნებული მონაცემებით, ყველაზე ძლიერი, 4.8 მაგნიტუდის მიწისძვრა 08:36 საათზე დაფიქსირდა. მას 09:10 საათიდან 8 წუთის განმავლობაში მოჰყვა კიდევ ორი, 4.7 და 3.1 მაგნიტუდის მიწისძვრა.

ინფორმაცია მსხვერპლის, ან ნგრევის შესახებ, არ გავრცელებულა. ბოლო პერიოდში, სოფელ სამებასთან მიწისძვრა თვეში რამდენჯერმე ხდება.