დააკავეს ქალი, რომელიც რობერტ დე ნიროს სახლში შეიჭრა და საშობაო საჩუქრების წაღება სცადა

სამართალდამცველების ინფორმაციით, ახალგაზრდა ქალი კინო ვარსკვლავ რობერტ დე ნიროს საცხოვრებელ სახლში შეიჭრა და ნაძვის ხის ქვეშ მოთავსებული საშობაო საჩუქრების წაღება სცადა. ამის შესახებ „ეიბისი ნიუსი“ იტყობინება.

პოლიციამ განაცხადა, რომ 30 წლის შენის ევილსი ქურდობის ბრალდებით დააკავეს.
პოლიცია ქალს თვალყურს ადევნებდა, რადგან ის 6 სავარაუდო ქურდობის გამო იძებნებოდა.

ამერიკული მედია ქალს ახასიათებს როგორც რეციდივისტს.

პოლიციის განცხადებით, მსახიობსა და ქურდს შორის არანაირი კომუნიკაცია არ ყოფილა.

79 წლის დე ნირო დაიბადა და გაიზარდა მანჰეტენში. აღიარებულია, როგორც ამერიკის ერთ-ერთი უდიდესი კინომსახიობი. დე ნირო ოსკარის ორგზის მფლობელია.