დააკავეს რუსეთის მოქალაქე, რომელიც ქუჩაში ქართველებს აგინებდა

შემთხვევა თბილისში, მარჯანიშვილის მოედანზე 5 ნოემბერს მოხდა.

Facebook-ზე გავრცელდა ვიდეო, სადაც ჩანს, რომ კაცი ქუჩაში დგას და ქართველებს შეურაცხყოფას აყენებს — იგინება.

შინაგან საქმეთა სამინისტროში განაცხადეს რომ პირი ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს. მუხლები წვრილმან ხულიგნობასა და სამართალდამცავებისადმი დაუმორჩილებლობას გულისხმობს.