დააკავეს ოპოზიციური პარტია “ევროპული საქართველოს” ორი წევრი. მათი კუთვნილი სატვირთო მანქანა კი – რომელიც, ოპოზიციონერების თქმით, შეშით იყო დატვირთული – საჯარიმოზე გადაიყვანეს.
“ევროპული საქართველოს” რეგიონული სამსახურის უფროსი კობა ზაქარეიშვილი და ბესო შავაძე ადმინისტრაციულ სამართალდარღვევათა კოდექსის 173-ე მუხლის საფუძველზე დააკავეს, რაც სამართალდამცველების კანონიერი მოთხოვნისადმი დაუმორჩილებლობას გულისხმობს.
“ამ ორი ადამიანიდან ერთ-ერთი იყო ამ ავტოსატრანსპორტო საშუალების მძღოლი. შესაბამისად, მანქანა გადაყვანილია საჯარიმოზე”, – ეუბნებიან რადიო თავისუფლებას შსს-ში და ამატებენ, რომ არ იციან, მანქანაში რა დევს.
“ევროპული საქართველოს” ლიდერი ირმა ნადირაშვილი ამბობს, რომ მანქანაში იყო შეშა, “რომლითაც საღამოს მიტინგისა და პიკეტის მონაწილეები შეძლებდნენ გათბობას”.
“ასეთი პრიმიტიული მეთოდებით – შეშის წართმევითა თუ კასრის დაპატიმრებით, ვერც ამ პროტესტს შეაჩერებენ და ვერც ჩვენ შეგვიშლიან ხელს”, – ამბობს “ევროპული საქართველოს” კიდევ ერთი ლიდერი ოთარ კახიძე.
www.radiotavisupleba.ge
Loading ...