დააკავეს უცხო ქვეყნის მოქალაქე კაცი, რომელმაც მანამდე თანაცხოვრებაში მყოფი ქალის შიშველი ფოტოები დაშორების შემდეგ მის ახლობლებს გაუგზავნა. სპეციალური საგამოძიებო სამსახურის პრესსამსახურის ინფორმაციით, დაკავებულს 4-დან 7 წლამდე პატიმრობა ემუქრება.
“ჩატარებული გამოძიებით დადგინდა, რომ ბრალდებულმა საქართველოში ყოფნის პერიოდში ქართველი გოგო გაიცნო, რომელთანაც გარკვეული პერიოდის განმავლობაში თანაცხოვრობდა. ისინი ერთმანეთს პერიოდულად სოციალური ქსელებითა და სხვადასხვა ინტერნეტ აპლიკაციების საშუალებით ეკონტაქტებოდნენ, რა დროსაც ბრალდებული შიშველ მდგომარეობაში მყოფ დაზარალებულს სურათებს ფარულად უღებდა და ე. წ “სქრინებს” კუთვნილ მობილურ ტელეფონში ინახავდა. დაზარალებულთან ურთიერთობის შეწყვეტის შემდეგ, ბრალდებულმა უკანონოდ მოპოვებული სურათებით ვიდეოკოლაჟი დაამზადა და იგი დაზარალებული ქალის ახლობლებს გადაუგზავნა”, – წერია სპეციალური საგამოძიებო სამსახურის გავრცელებულ განცხადებაში.
თურქეთის მოქალაქის წინააღმდეგ საქმე აღძრულია სისხლის სამართლის კოდექსის 157-ე პრიმა მუხლით.
Loading ...