დააკავეს კაცი, რომელმაც აჭარაში მეგობარი ნაჯახით დაჭრა

აჭარის პოლიციის დეპარტამენტის თანამშრომლებმა, 1974  წელს დაბადებული, წარსულში ნასამართლევი  ტ.მ. განზრახ მკვლელობის მცდელობის  ბრალდებით დააკავეს.

გამოძიებით დადგინდა, რომ ბრალდებულმა შუახევის მუნიციპალიტეტში, ურთიერთშელაპარაკებისას, მეგობარს – 1972 წელს დაბადებულ ზ.დ.- ს , ნაჯახის გამოყენებით სხეულზე დაზიანებები მიაყენა და ადგილიდან მიიმალა.

დაშავებული მამაკაცი სამედიცინო დაწესებულებაში მოათავსეს.

პოლიციამ ტ.მ. ბრალდებულის სახით  მოსამართლის განჩინების საფუძველზე დააკავა.

სამართალდამცველებმა დანაშაულის ჩადენის იარაღი ნივთმტკიცებად ამოიღეს.

გამოძიება სისხლის სამართლის კოდექსის 19-109- ე მუხლით მიმდინარეობს , რაც  16-დან 20 წლამდე ან უვადო თავისუფლების აღკვეთას ითვალისწინებს.