საქართველოს საფეხბურთო ჩემპიონატის მეოთხე ლიგის 28 ტურში, დღეს ლანჩხუთში გურული დერბი შედგა. ევგრაფი შევარდნაძის სახელობის სტადიონზე “გურიამ” ოზურგეთის “მერცხალს” უმასპინძლა.
ჩემპიონატის დასრულებამდე სამი ტურით ადრე გურიის გუნდები სხვადასხვა ამოცანების წინაშე იდგნენ.
მასპინძლები ლიდერობისთვის იბრძვიან, ხოლო “მერცხალი” ლიგაში ადგილის შესანარჩუნებლად იბრძვის.
დღევანდელი შეხვედრა ლანჩხუთელების უპირატესობით წარიმართა. მათ მეტოქე დიდი ანგარიშით, 3-0 დაამარცხეს.
ლანჩხუთელმა ვანო შარვაძემ ჰეთ-თრიკი შეასრულა. მან მე-8, 32-ე და 55-ე წუთებზე შეძლო სტუმართა კარის აღება.
ამ შეხვედრის შემდეგ “გურიას” 55 ქულა აქვს და კვლავ მესამე ადგილზეა.
“მერცხალს” კვლავ 33 ქულა აქვს და მე-12 ადგილზე იმყოფება.
მორიგ შეხვედრას გუნდები ერთი კვირის შემდეგ გამართავენ.
“მერცხალი” ბოლო საშინაო შეხვედრაში უშუალო კონკურენტს, “სამგურალი 2”-ს მიიღებს, ხოლო “გურია” სტუმრად “ვტ-ჯორჯია 2” შეხვდება.
Loading ...