გურული დერბი “გურიასა” და “მერცხალს” შორის ცოტა ხნის წინ დასრულდა

ოზურგეთის ცენტრალურ სტადიონზე გურულებისთვის მეოთხე ლიგის  ერთ-ერთი მნშვნელოვანი შეხვედრა გაიმართა.

გურულ დერბში ოზურგეთის “მერცხალმა” ლანჩხუთის “გურიას” უმასპინძლა.

შეხვედრა საკმაოდ საინტერესო და დაძაბული გამოდგა.

უგოლო პირველი ტაიმის შემდეგ, მასპინძლები 48-ე წუთზე დაწინაურდნენ. გოლი ნოდარ მაჭავარიანმა გაიტანა. თუმცა 5 წუთში ალექსანდრე სულაძემ ანგარიში გაათანაბრა. 66 და 73-ე წუთზე “გურიამ” კიდევ ორი გოლი გაიტანა, თავი ვანო წილოსანმა და ვანო შარვაძემ გამოიჩინეს.

საბოლოოდ თამაში ანგარიშით 1-3, ლანჩხუთის “გურიას” გამარჯვებით დასრულდა.

13 ტურის შემდეგ “მერცხალს” კვლავ 17 ქულა აქვს და მეცხრე ადგილზეა, “გურიამ” კი აღნიშნული მოგების შემდეგ 30 ქულა დააგროვა და კვლავ მეორე ადგილზე იმყოფება.

მომდევნო ტურის შეხვედრები 12 აგვისტოს გაიმართება.