გურიის ყოფილი გუბერნატორი, გიორგი სახოკია შსს-ს აკადემიის რექტორად დაინიშნა.
შინაგან საქმეთა მინისტრის მოადგილემ, შალვა თადუმაძემ შსს-ს აკადემიის თანამშრომლებს ახლად დანიშნული რექტორი, გიორგი სახოკია წარუდგინა და სასწავლო დაწესებულების თანამშრომლებთან შეხვედრა გამართა.
შეხვედრაზე შალვა თადუმაძემ, აკადემიის ხელმძღვანელ პირებთან ერთად, სამართალდამცავი სტრუქტურის სასწავლო ინსტიტუციის გაძლიერების მიმართულებით განსახორციელებელი სამომავლო გეგმები განიხილა, გიორგი სახოკიას კი, რექტორის თანამდებობაზე დანიშვნა მიულოცა და მომავალ საქმიანობაში წარმატებები უსურვა.
გიორგი სახოკიამ, თავის მხრივ, გამოცხადებული ნდობისთვის, შინაგან საქმეთა მინისტრის მოადგილეს მადლობა გადაუხადა და შედეგზე ორიენტირებული მუშაობისათვის მზადყოფნა გამოთქვა.
გიორგი სახოკია შსს-ს აკადემიის რექტორის თანამდებობაზე დანიშვნამდე, საქართველოს მთავრობის ადმინისტრაციასა და თავდაცვის სამინისტროში ხელმძღვანელ თანამდებობებს იკავებდა. მას შინაგან საქმეთა სამინისტროში მუშობის გამოცდილებაც აქვს. გიორგი სახოკია 2014-2019 წლებში შინაგან საქმეთა სამინისტროში სხვადასხვა პოზიციაზე მუშაობდა. გიორგი სახოკია 2021 წელს იკავებდა გურიის მხარეში სახელმწიფო რწმუნებულის თანამდებობას.
კომენტარები
Loading ...