გურიის გუბერნატორი – ამ წუთის მონაცემებით გურიაში 25 ინფიცირებული გვყავს

გურიაში კორონავირუსის ოთხი ახალი შემთხვევა გამოვლინდა, 2 ოზურგეთის მუნიციპალიტეტის სოფელ ქვედა ბახვში, 2 – ლანჩხუთის მუნიციპალიტეტს დაემატა. ჯამში ამ წუთის მონაცემებით გურიაში 25 ინფიცირებული გვყავს. ამის შესახებ გურიის გუბერნატორმა ზურაბ ნასარაიამ მოგვაწოდა ინფორმაცია. გუშინ ღრმა კვლევები აწარმოეს ეპიდემიოლოგებმა სოფელ ზოტსა და ჩხაკაურაში , ჯამში 270 – პირი დაიტესტა. ნაწილი კონტაქტების ტესტების პასუხი იყო და ყველა მათგანი უარყოფითი გახლდათ, ნაწილის პასუხებს კი ველოდებით”, – განაცხადა ნასარაიამ.