გურიაში სახელმწიფო წმუნებულის მოადგილემ, გია ებრალიძემ დაკავებული თანამდებობა გუშინ დატოვა. როგორც ებარალიძემ გვითხრა მან აღნიშნული გადაწყვეტილება თავად მიიღო და პირადი განცხადების საფუძველზე თანამდებობა დატოვა. ,,შვიდწლიანი მუშაობის შემდეგ ჩავთვალე საჭიროდ, რომ მიმეღო გადაწყვეტილება და გუბერნატორის მოადგილის თანამდებობა დამეტოვებინა. ამ სამსახურში, როგორც სახელმწიფო მოხელემ ამოვწურე საკუთარი თავი და ვფიქრობ სამეცნიერო საქმიანობას დავუბრუნდე’’ – აღნიშნა გია ებრალიძემ. ვინ დაიკავებს გურიის გუბერნატორის მოადგილის თანამდებობას გია ებრალიძის შემდეგ ჯერ უცნობია. ამჟამად გურიის გუბერნატორს, გიორგი ურუშაძეს მხოლოდ ერთი მოადგილე, ქეთი მოისწრაფეშვილი ჰყავს.
კომენტარები
Loading ...