“გურიაTV”-ში ევროკავშირის მიერ დაფინანსებული ანაზღაურებადი სტაჟირების პროგრამის განხორციელება დაიწყო.
მედია-საქმიანობით დაინტერესებული სტაჟიორები ჟურნალისტიკის მიმართულებით უნარ-ჩვევებს გაიუმჯობესებენ და პროფესიულ ცოდნას გაიღრმავებენ.
სტაჟირების პერიოდი 11 თვეს გასტანს და მომავალი წლის ივლისში დასრულდება. სტაჟირების პროგრამა პროექტის „ცოდნისა და უნარების განვითარების ქსელებისა და პლატფორმების გაძლიერების (LINKS)“ ფარგლებში, საქართველოს გაეროს ასოციაციის, საქართველოს ღია საზოგადოების ფონდისა და რეგიონული პარტნიორის “ახალგაზრდა პედაგოგთა კავშირის” მიერ ხორციელდება.
პროგრამა მიზნად ისახავს აჭარაში, გურიაში, შიდა ქართლში და ქვემო ქართლში ახალგაზრდებისათვის პირველი ანაზღაურებადი სამსახურის დაწყების შესაძლებლობის მიცემას, რაც მათ პროფესიულ განვითარებას შეუწყობს ხელს.
პროგრამა გამონაკლისს შემთხვევებში ითვალისწინებს სტაჟირების ონლაინ ან ჰიბრიდულ შესაძლებლობას თუ ონლაინ სტაჟირებით ბენეფიციარი შეძლებს პრაქტიკული გამოცდილების მიღებასა და პროფესიის დაუფლებას დასაქმებისთვის.
Loading ...