ქალაქ დრეზდენში ADAMI DIALOGUE-ის გარგლებში გამართულკონფერენციაზე “გურიაTV”-ს წარმომადგენელმა ტელეკომპანიის მიღწევებსა და გამოწვევებზე, გურიის მხარეზე, მის კულტურულ მრავალფეროვნებაზე ისაუბრა. მედია კონფერენციაზე ევროკავშირისა და აღმოსავლეთ ევროკავშირის ქვეყნების მედიის წარმომადგენლებს საშუალება ჰქონდათ შეხვედროდნენ ერთმანეთს და განეხილათ კულტურული მრავალფეროვნების გაშუქების საკითხები თავიანთ სამაუწყებლო ორგანიზაციებში.გარდა ტრადიციული მედია პრიზით დაჯილდოვებისა, “ADAMI მედია პრიზმა” კულტურული მრავალფეროვნებისათვის აღმოსავლეთ ევროპაში, გადაწყვიტა რამდენიმე ახალი ინიციატივა მიეღო, რომელიც მიზნად ისახავს ხელი შეუწყოს კულტურული მრავალფეროვნების გაშუქების მნიშვნელობას.
წელს “ADAMI მედია პრიზმა” შესთავაზა რედაქტორებს, პროდიუსერებსა და მასობრივი მედიის სფეროს სპეციალისტებს, გაეზიარებინათ თავიანთი სტრატეგია და გამოცდილება იმ ტელეპროგრამების შექმნაზე, რომელიც ეხება კულტურულ მრავალფეროვნებას. მიუხედავად იმისა, რომ ევროკავშირსა და აღმოსავლეთ პარტნიორობის ქვეყნებში დისკუსიები მრავალფეროვნებასა და მიგრაციაზე განსხვავდება, მსგავსი მგრძნობიარე თემების გაშუქებისას, კოლეგები ანალოგიურ პრობლემებს აწყდებიან. კონფერენციამ საშუალება მისცა მონაწილეებს გაცნობოდნენ მედიაში კულტურული მრავალფეროვნების პრობლემების გადაჭრის სხვადასხვა მიდგომებს.
ADAMI DIALOGUE-ის მონაწილეებმა შეიძინეს ისეთი ახალი კონტაქტები, რომლებიც ერთნაირად მნიშვნელოვანია როგორც მათთვის, ისე იმ სამაუწყებლო კომპანიებისათვის, რომლებსაც ისინი წარმოადგენენ. გარდა ამისა, ინდივიდუალური შეხვედრების წყალობით კომპანიებს შესაძლებლობა მიეცათ ახალი თანამშორმლობისათვის.
კონფერენცია მოეწყო ევროპულ მაუწყებელთა გაერთიანებისა (EBU) და MDR-ის მხარდაჭერით, ხოლო დაფინანსდა აღმოსავლეთ პარტნიორობის ევროკომისიის მიერ.
აღნიშნულ კონფერენციაზე საქართველოდან იმყოფებოდნენ: გიორგი გვიმრაძე (საქართველოს საზოგადოებრივი მაუწყებელი), რამილა ალიევა (საქართველოს საზოგადოებრივი მაუწყებელი), ავთანდილ გველებიანი (გურია TV) და რუსუდან გვარამაძე (TV9).
კომენტარები
Loading ...
