გურია ზაფხულში – რჩევები დამსვენებლებსა და მოგზაურებს

თუ ჯერ არ გაქვთ ზაფხულის გეგმა დასახული, გურია აუცილებლად უნდა განიხილოთ!

ზღვა, მთები, ბუნება, განსაკუთრებული სამზარეულო და თბილი ადამიანები – ეს ყველაფერი გურიაში გელოდებათ. ჩვენ მოგიმზადეთ რამდენიმე რჩევა, რომლებიც დაგეხმარებათ, უკეთ დაგეგმოთ თქვენი ვიზიტი და სრულად დატკბეთ ამ უნიკალური კუთხით.

გურიის ადგილმდებარეობა და კლიმატი

გურია მდებარეობს დასავლეთ საქართველოში და აერთიანებს როგორც ზღვისპირა ზონას (მაგ. ურეკი, შეკვეთილი), ისე მთიან ნაწილს (გომისმთა, ბახმარო). ზაფხულში ჰავა თბილი და ტენიანია, თუმცა მთიან სოფლებში საღამოობით გრილა – თან იქონიეთ თბილი მოსასხამიც.

სად დავისვენოთ – ზღვა თუ მთა?

ზღვაზე – ურეკი ცნობილია თავისი მაგნიტური ქვიშით, შეკვეთილში კი მუსიკალური პარკი და ატრაქციონები იზიდავს ოჯახებს ბავშვებით.
მთაში – ბახმარო, გომის მთა, ნაბეღლავი – მშვენიერი ვარიანტებია გრილად და მშვიდად დასასვენებლად. გომისმთაზე საოცარი ღრუბლების ხედები გელოდებათ, ბახმაროში კი ულამაზესი პეიზაჟების ხილვასთან ერთად ჯანმრთელობაზე ზრუნვა აქაური გასაოცარი ჰაერითაც შეგიძლიათ.

გურული სამზარეულო – არ გამოტოვოთ!

გურულ ხაჭაპურს ვერავინ ეუბნება უარს. ის ყველისა და კვერცხისგან კეთდება და მის ფორმასთან დაკავშირებით ცალკე ისტორია გაქვთ მოსასმენი. აუცილებლად გასინჯეთ გურული მწნილი,ფხალი, კიტრის და პომიდვრის სალათი გურულ სუნელთან ერთად დააგემოვნეთ და არ დაივიწყოთ და გურიაში მომზადებული მჭადი და ნატურალური რძის პროდუქტები.

რა წამოიღოთ თან?

მზისგან დამცავი საშუალებები – განსაკუთრებით ზღვისპირეთში სპორტული და კომფორტული ფეხსაცმელი მთაში სასეირნოდ. მზის სათვალე და ქუდი. თბილი მოსაცმელი ბახმაროს ან გომის მთის სტუმრობისას

ტრანსპორტი და გადაადგილება

გურიაში მისვლა მარტივია თბილისიდან, ბათუმიდან ან ქუთაისიდან. შეიმუშავეთ მარშრუტები წინასწარ.
უმჯობესია, იმოგზაუროთ საკუთარი ავტომანქანით ან იქირაოთ – ზოგ სოფელში გზა მაინცდამაინც კარგი არ არის.
ცალკე საკითხია ადგილობრივებთან ურთიერთობა. გურულები ხშირად გიდობასაც კი გაგიწევენ – ნუ მოგერიდებათ კითხვა!

მოვლენები და დღესასწაულები

გურიაში ზაფხულობით არაერთი ტრადიციული ან კულტურული ღონისძიებაა. წინასწარ შეამოწმეთ გურიის მუნიციპალიტეტების კულტურული ბადე და დაგეგმეთ დასწრება:
– 19 აგვისტოს ბახმაროს დღესასწაული (ტრადიციული დოღი);
– შეკვეთილის მუსიკალური ფესტივალები;
– ადგილობრივი ბაზრობები და ხელნაკეთი ნივთების გამოფენა

გურულებთან ურთიერთობა – ერთ-ერთი მთავარი შთაბეჭდილება

გურულები იუმორით, სითბოთი და გულწრფელობით გამოირჩევიან. არ მოგერიდოთ საუბარი – შეიძლება საუბარი ხუმრობით დაიწყოს, მაგრამ ხშირად დიდ მეგობრობაშიც გადაიზარდოს.

…..

გურია ზაფხულის საოცარი დანიშნულების წერტილია მათთვის, ვინც ბუნებას, სიმშვიდესა და ნამდვილი ქართული გემოვნების გატაცებას ეძებს. იმედი გვაქვს, ეს რჩევები დაგეხმარებათ, რომ თქვენი გურული თავგადასავალი დაუვიწყარი გახდეს!