გურიაში, ჩოხატაურის მუნიციპალიტეტში 30 წლის კაცმა 14 წლის გოგო გააუპატიურა. მომხდარის შესახებ ინფორმაცია “გურია ნიუსმა” გაავრცელა.
გამოცემის ცნობით, გოგონა გუშინ გაუჩინარდა და არსებობს დაზარალებულსა და ზრდასრულ კაცს შორის სატელეფონო მიმოწერები, სადაც სავარაუდო გაუპატიურების ფაქტი იკვეთება. მათივე თქმით, არასრულწლოვანი სახლში დილით დაბრუნდა, კაცმა კი მიმალვა შეძლო და სამძებრო-საგამოძიებო მოქმედებები ამ დრომდე მიმდინარეობს.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 137-ე მუხლის მე-4 ნაწილით მიმდინარეობს, რაც წინასწარი შეცნობით, არასრულწლოვნის გაუპატიურებას გულისხმობს.
კომენტარები
Loading ...