გურიაში სტიქიის შედეგად მიყენებული ზარალის აღრიცხვა მიმდინარეობს

გურიის სახელმწიფო რწმუნებულის ადმინისტრაციაში სტიქიის შედეგად მიყენებული ზარალისა და სალიკვიდაციო ღონისძიებების შესახებ სამუშაო შეხვედრა გაიმართა. შეხვედრაზე რეგიონული განვითარებისა და ინფრასტრუქტურის მინისტრის პირველმა მოადგილემ, ილია ბეგიაშვილმა და მთავრობის ადმინისტრაციის რეგიონებთან ურთიერთობის დეპარტამენტის რეგიონული კოორდინაციის სამმართველოს უფროსმა, შოთა კაკაბაძემ, გურიის მხარისა და ადგილობრივი თვითმმართველობის ხელმძღვანელ პირებთან ერთად, რეგიონში არსებული ვითარება და საჭიროებები განიხილეს. შექმნილია სტიქიის შედეგების შემსწავლელი კომისიები და მიმდინარეობს ზარალის აღრიცხვა. ცენტრალური და ადგილობრივი ხელისუფლების წარმომადგენლები სტიქიის ადგილზე იმყოფებოდნენ, სადაც ადგილობრივებს შეხვდნენ და პირადად გაეცნენ მათ წინაშე არსებულ საჭიროებებს.