გურიის რეგიონში დაწყებულია სტიქიის სალიკვიდაციო სამუშაოები. სახელმწიფო რწმუნებულის მოადგილე ზაზა შოშიტაიშვილი ოზურგეთის მუნიციპალიტეტში, სოფელ შრომაში სტიქიური მოვლენების შედეგად დაზარალებულ ოჯახებს შეხვდა და გაეცნო სტიქიის სალიკვიდაციო სამუშაოებს, რომელსაც საქართველოს მყარი ნარჩენების მართვის კომპანიის კუთვნილი მძიმე ტექნიკა ანხორციელებს. სტიქიის შედეგად ოზურგეთისა და ლანჩხუთის მუნიციპალიტეტებს მნიშვნელოვანი ზიანი მიადგა. ძლიერი წვიმის შედეგად დაიტბორა საკარმიდამო ნაკვეთები, საყანე ფართობები. ჩამოწოლილმა მეწყერმა დააზიანა შიდასასოფლო გზები და საცხოვრებელი სახლები. სტიქიის ზონებში ზარალის დამთვლელი კომისია მუშაობს, ზარალის დათვლის დასრულების შემდეგ დაზარალებულ მოსახლეობას შესაბამისი დახმარება გაეწევა.
ინფორმაციას გურიის სამხარეო ადმინისტრაციის პრესსამსახური ავრცელებს
Loading ...