“გურიას” ბოლო წუთზე გაუთანაბრეს – ყველაფერი ლანჩხუთში, ბოლო ტურში გადაწყდება

დღეს მეოთხე ლიგაში მოასპარეზე გურიის საფეხბურთო გუნდებისთვის მნიშვნელოვანი დღე იყო. ოზურგეთელებისთვის ლიგაში დარჩენის საკითხი წყდებოდა, ლანჩხუთელებისთვის კი მესამე ლიგაში დაწინაურების.

“მერცხალმა” დასახულ ამოცანას თავი კარგად გაართვა, 5-3 დაამარცხა “სამგურალი 2” და ლიგაში დარჩენა გაინაღდა.

დაძაბული გამოდგა ლანჩხუთის “გურიას” შეხვედრა სტუმრად „ვიტ ჯორჯია 2“-თან. “გურია” შეხვედრის ძირითადი დროის ამოწურვამდე იგებდა. მატჩის დასრულებამდე ათი წუთით ადრე,  ვანო შარვაძემ ანგარიში გახსნა, 1:0. თუმცა დამატებულ წუთებზე მასპინძლებმა პენალტის უფლება მოიპოვეს და ანგარიში გაათანაბრეს, 1:1.  „გურიას“ მესამე ლიგაშ გადასვლა მინიმუმ მომდევნო ტურისთვის გადაიდო.

26 ნოემბერს, ბოლო ტურში „გურია“ „არაგველებს“ უმასპინძლებს. ლანჩხუთელებს მესამე ლიგაში დასაბრუნებლად 1 ქულა სჭირდება .