“გურიამ” დაძაბულ ბრძოლაში მოიგო, “მერცხალი” სახლში დამარცხდა

საქართველოს საფეხბურთო ჩემპიონატის მეოთხე ლიგაში მე-11 ტურის მატჩები გაიმართა.

სტუმრად დაძაბულ ბრძოლაში გაიმარჯვა ლანჩხუთის “გურიამ” და ლიდერობა შეინარჩუნა.

“გურია” სტუმრად, მარტვილში “მერანი 2”-ს შეხვდა. ლაბჩხუთელები მთელი მატჩის განმავლობაში მდევრის როლში იყვნენ, მათ სამჯერ გაათანაბრეს ანგარიში, საბოლოოდ კი 87-ე წუთზე გამარჯვების გოლი გაიტანეს, 3-4.

ლანჩხუთელთაგან გოლები გაიტანეს – ვანო წილოსანმა, ალექსანდრე წულაძემ, თეიმურაზ შარაშენიძემ, ანრი ზაქარაშვილმა.

საკუთარ მოედანზე დამარცხდა ოზურგეთის “მერცხალი”. ოზურგეთელები “ზესტაფონთან” დამარცხდნენ 0-1.

11 ტურის შემდეგ ლიგას ლანჩხუთის “გურია” ლიდერობს, მას 26 ქულა აქვს. მერცხალს 14 ქულა აქვს და მე-9 ადგილზე იმყოფება.

მომდევნო შეხვედრას “მერცხალი” სტუმრად “მაჭახელასთან” ითამაშებს, ხოლო “გურია” შინ “გაგრა 2”-ს მიიღებს.