უნგრეთის დედაქალაქ ბუდაპეშტში მიმდინარე მსოფლიო ჩემპიონატზე ძიუდოში გურამ თუშიშვილმა (+100 კგ) ვერცხლის მედალი მოიპოვა – ქართველმა მძიმეწონოსანმა ფინალში დაძაბულ ორთაბრძოლაში ნეიტრალური დროშით მოასპარეზე ინალ ტასოევთან წააგო.
მსოფლიო ჩემპინატის ინდივიდუალურ ტურნირში საქართველოს ნაკრებმა გამოსვლა 4 მედლით დაასრულა: ეთერ ლიპარტელიანმა (57 კგ) მსოფლიო ჩემპიონობა იზეიმა, ტატო გრიგალაშვილი (81 კგ) და გურამ თუშიშვილი (+100) ვიცე-ჩემპიონები გახდნენ, ხოლო ლუკა მაისურაძემ (90 კგ) ბრინჯაოს მედალი მოიპოვა.
20 ივნისს ბუდაპეშტში შერეული გუნდური შეჯიბრება გაიმართება. საქართველოს ნაკრები მერვედფინალში ჩინეთის გუნდს შეხვდება, წარმატების მიღწევის შემთხვევაში კი მასპინძელ უნგრეთსა და იტალიას შორის გამარჯვებულს დაუპირისპირდება.
კომენტარები
Loading ...