გრიპის უფასო ვაქცინაცია ოზურგეთში

მთელი საქართველოს მასშტაბით სეზონური გრიპის საწინააღმდეგო ვაქცინაცია 15 ნოემბრამდე უფასოა.

ვაქცინაცია აქტიურად მიმდინარეობს ოზურგეთის კლინიკა ‘’მედალფაშიც’’, სადაც მსურველებს სანოფი პასტერის წარმოების, ოთხ-კომპონენტიანი ვაქცინით აცრიან, რომელიც  ჯანმოს მიერ რეკომენდებულ ვაქცინებს შორის ერთ-ერთია.

როგორც მედიკოსები ამბობენ, ცივი სეზონის დაწყების გათვალისწინებით, გრიპის საწინააღმდეგო ვაქცინაცია ეფექტურ პრევენციას მოახდენს, რაც გრიპის შესაძლო გართულებების თავიდან აცილების საშუალებას იძლევა. აცრის გაკეთება 6 თვის ასაკიდან ნებისმიერ მსურველს შეუძლია.

მსურველებს უფასოდ ვაქცინაციის შესაძლებლობა 15 ნოემბრამდე ექნებათ. 15 ნოემბრის შემდეგ კი უფასო ვაქცინაცია კვლავ რისკ–ჯგუფებისთვის გაგრძელდება.