გორის რაიონული სასამართლოს მოსამართლე, ნაწილობრივ ადასტურებს ადვოკატ რამაზ ნოზაძის ბრალდებას. გოგა კუპრეიშვილი ამბობს, რომ საუბარი მართლაც შედგა მასსა და ნოზაძეს შორის სასამართლო პროცესზე, თუმცა, უარყოფს იმას, რომ იგი უფლებადამცველს დაპატიმრებით ემუქრებოდა, აქვე დაადასტურებს, რომ საუბარი იყო სამართლებრივ რეაგირებასა და ჯარიმაზე.
მოსამართლე ამბობს, რომ ჯარიმას ადვოკატი მართლაც იმსახურებდა სოციალურ ქსელში დაწერილი პოსტების გამო.
ერთ-ერთ პროცესზე, სადაც ის მონაწილეობდა, როგორც ბრალდებულის ინტერესების დამცველი, გამოირჩეოდა საჯარო განცხადებებით, სადაც ის ამბობდა, რომ მოსამართლე ბჟუტურობს, ბრაგუნობს, ბრიყვული სახით აცხადებს განაჩენს.
მე გავაკეთე სამართლებრივი განმარტება, რომ ასეთი რამ არ შეეფერება ადვოკატს, თუნდაც მოსამართლე იმსახურებდეს ამას. ეს არ არის პროფესიონალური გამოვლინების ფორმა.
ადვოკატის ეს შეუარაცხმყოფელი ქცევა ემსახურება მოსამართლის მიმართ უპატივცემულობის გამოხატვას და ითვალისწინებს ჯარიმას, მაგრამ მე ვპატიობ ამას და ვეუბნები:
ბატონო მამუკა, თქვენსა და ჩემს შორის ის განსხვავებაა, რომ თქვენ საჯაროდ შეურაცხყოფას მაყენებთ, გამოხატავთ ჩემს მიმართ უპატივცემულობას, მე კი მოგმართავთ და საჯაროდ გეუბნებით, რომ ამ ყველაფერს გპატიობთ. – განაცხადა მოსამართლე გოგა კუპრეიშვილმა.
გორის რაიონული სასამართლო დიდ სკანდალში ეხვევა. მოსამართლე გოგა კუპრეიშვილი ადვოკატმა მამუკა ნოზაძემ მუქარაში ამხილა. უფლებადამცველი ირწმუნება, რომ სასამართლო კლანის ბოსის, ჩინჩალაძის, ყოფილი თანაშემწე მას საჯაროდ დასჯით ემუქრებოდა და სხდომათა დარბაზში საქმეებს ურჩევდა.
Loading ...
