ოზურგეთში, კურორტ გომისმთაზე კერძო საკუთრების მფლობელების საპროტესტო აქცია გადაიდო. ორგანიზატორებმა ამით სოლიდარობა “TV პირველის” ოპერატორის ლექსო ლაშქარავას გარდაცვალებასთან დაკავშირებით გამოხატეს. კურორტზე კერძო საკუთრების მფლობელები დღეს გომისმთაზე სამშენებლო მასალების ატანის აკრძალვის გაპროტესტებას აპირებდნენ. აქციის მონაწილეები აცხადებენ, რომ კურორტზე სახლები აქვთ, რომლებიც განახლებას და ტურისტული სეზონისთვის მომზადებას საჭიროებენ. ხელისუფლება კი მათ სამშენებლო მასალის ატანის საშუალებას არ აძლევს და მიზეზად კურორტის გენერალური გეგმის არარსებობა მოჰყავს, რომლის შემქმნასაც წელიწადნახევარი დააგვიანდება. დღეს იგეგმებოდა გომისმთის ასასვლელის პიკეტირება და კარვების გაშლაც. აქციის ერთ-ერთი ორგანიზატორის და უფლებადამცვლელის თამაზ ბაკურიძის განცხადებით, საპროტესტო აქცია იგივე მოთხოვნით მომდევნო კვირას აჭარის მთავრობის სახლთან გაიმართება.
გომისმთაზე კერძო საკუთრების მფლობელებმა საპროტესტო აქცია დღეს ოპერატორის ლექსო ლაშქარავას გარდაცვალების გამო გადადეს
კომენტარები
გამოკითხვა
Loading ...