გიორგი რურუა თავისუფლდება – სალომე ზურაბიშვილის განცხადება

მმართველი პარტია ჩემს სახელს ჩემი ნებართვის გარეშე იყენებს და აკავშირებს ერთი შეწყალების საქმეზე. მე გადაწყვეტილებას ვიღებ მოსალოდნელი კრიტიკის ან შექების მიუხედავად. იმ შემთხვევაში, თუ მე ვთვლი საჭიროდ. მინდა ყველას შეგახსენოთ ერთი მარტივი წესი, შეწყალება არის პრეზიდენტის დისკრეცია და არა მოლაპარაკების საგანი. შეწყალების გადაწყვეტილება არ ექვემდებარება რაიმე ზეწოლას, მითითებას ხელისუფლებისგან თუ ოპოზიციისგან. პრეზიდენტი შეწყალების შესახებ წინასწარ არ საუბრობს და მოტივაციას არ ასაჯაროებს. თუმცა ამ თემით სხვებისგან გაუთავებლად აპელირების გამო იძულებული გავხდი დავარღვიო ეს პრინციპი და დავაფიქსირო ჩემი პოზიცია: ჩემთვის, ისე როგორც მთელი საზოგადოებისთვის კარგად ცნობილი წარსულის მქონდე პირი, რომელიც ბევრი რამ შეიძლება იყოს გარდა პოლიტპატიმრისა, არ ჯდება შეწყალების რომელიმე კატეგორიაში, მაგრამ თუ სასწორზე დგას ჩემი ქვეყნის სტაბილურობა, წინსვლა და მომავალი, პრეზიდენტის მოვალეობა ის არის, რომ საკუთარ პრინცუიპულობაზე მაღლა დააყენოს ქვეყანა. ამის გათვალისინებით მზად ვარ მივიღო ჩემთვის ნამდვილად სკანდალური გადაწყვეტილება და ეს კრიზისის დასრულების ბოლო აკორდი უნდა იყოს. შარლ მიშელის მიერ შეთავაზებულ დოკუმენტზე მხარეების მიერ ხელმოწერიდან ერთი კვირის ვადაში მე ხელს მოვაწერ გიორგი რურუას გადაწყვეტილებას – საქართველოს პრეზიდენტმა ეს განცხადება რამდენიმე წუთის წინ, საგანგებო ბრიფინგზე გააკეთა.