გიორგი ვაშაძე – ზალკალიანი ამერიკაში ჩავიდა, ვითომ თავისი ჭკუით სენატორებს რაღაც აუხსნეს და უფრო მკაცრი შეფასებები მიიღეს

ჩავიდა ბატონი დავით ზალკალიანი ამერიკაში, ვითომ აუხსნეს თავისი ჭკუით სენატორებს რაღაც და უფრო მკაცრი შეფასებები მიიღეს მათი მხრიდან, რომ ისინი დემოკრატიის ხელყოფის შესაძლებლობას „ქართულ ოცნებას“ არ მისცემენ, – ამის შესახებ „ახალი საქართველოს“ ლიდერმა გიორგი ვაშაძემ საგარეო საქმეთა მინისტრის დავით ზალკალიანის აშშ-ში ვიზიტზე საუბრისას განაცხადა.

გიორგი ვაშაძის თქმით, დადგა დრო ქვეყანაში ერთპარტიული სისტემა დაინგრეს.

„მშვიდობიანი პროტესტი გრძელდება, ძალიან დიდი მხარდაჭერა გვაქვს როგორც საზოგადოების, ასევე საერთაშორისო ორგანიზაციებისა და ჩვენი მეგობარი ქვეყნების მხრიდან. ჩავიდა დავით ზალკალიანი ამერიკაში, ვითომ თავისი ჭკუით სენატორებს რაღაც აუხსენეს და უფრო მკაცრი შეფასებები მიიღეს, რომ ისინი დემოკრატიის ხელყოფის შესაძლებლობას „ქართულ ოცნებას“ არ მისცემენ. რატომ გვაქვს ასეთი მხარდაჭერა? ოპოზიცია ერთიანია და იმიტომ, ახალგაზრდები აქტიურად არიან ჩართულები. ყველა ხვდება, რომ სიმართლე არის ჩვენს მხარეს და დადგა დრო ერთპარტიული სისტემა დავანგრიოთ ქვეყანაში. სწორედ „ქართული ოცნებაა“ სახელი იმ გაჭირვების, უმუშევრობისა და უზარამაზარი პრობლემების რომელიც ქვეყანაშია“, – განაცხადა გიორგი ვაშაძემ.

www.interpressnews.ge