ყოფილ პრემიერ-მინისტრს და პარტია „გახარია საქართველოსთვის“ ლიდერს, გიორგი გახარიას, ე.წ. ჩორჩანას ეპიზოდზე აღკვეთის ღონისძიების სახით პატიმრობა დაუსწრებლად შეეფარდა.
გადაწყვეტილება თბილისის საქალაქო სასამართლოს მოსამართლე დავით კურტანიძემ გამოაცხადა, რომელმაც პროკურატურის შუამდგომლობა სრულად დააკმაყოფილა.
პროკურატურის განცხადებით, ყოფილი პრემიერის მიმართ პატიმრობის გამოყენება საჭირო გახდა, რადგან არსებობს მიმალვის, მოწმეებზე ზემოქმედებისა და ახალი დანაშაულის ჩადენის საფრთხე.
დაცვის მხარის თქმით, მსგავსი საფუძვლები არ არსებობს და ბრალდების მხარეს ვერ წარმოუდგენია არცერთი მტკიცებულება, რომელიც აღკვეთის ღონისძიების გამოყენებას გაამართლებდა. ადვოკატებმა სასამართლოს გახარიას აღკვეთის ღონისძიების გარეშე დატოვების შუამდგომლობა წარუდგინეს.
გიორგი გახარია პროცესს არ დასწრებია იგი რამდენიმე თვეა საქართველოს ფარგლებს გარეთ იმყოფება.
სასამართლო დღეს, 20:00 საათზე, იმსჯელებს გახარიას მიმართ აღკვეთის ღონისძიებაზე მეორე საქმეზე 2019 წლის 20 ივნისის აქციის დარბევასთან დაკავშირებით.
Loading ...