ცოტა ხნის წინ ხმაური და დაპირისპირება იყო ოზურგეთის მუნიციპალიტეტის საკრებულოს სხდომაზე. ხელისუფლებასა და ოპოზიციას შორის კონფლიქტი უკვე ტრადიციად ქცეულ ფიზიკურ შეხლა-შემოხლამდე მივიდა.
დაპირისპირება ფრაქცია ”ნაციონალური მოძრაობის” თავმჯდომარის დავით მჟავანაძის განცხადებას მოჰყვა.
”გომისმთის მიწებთან დაკავშირებით პროკურატურა რიგით მოქალაქეებს ღამის 12 საათზე იბარებს და მიწების უკანონო რეგისტრაციას ედავება, სისხლის სამართლის დევნაც არის დაწყებული. მაშინ როცა, იგივენაირად დარეგისტრირებული მიწები თანამდებობის პირებსაც აქვთ, მაგრამ მათზე დევნა არ გამოცხადებულა. გელა აროშიძეს (საკრებულოს წევრი ”ქართული ოცნებიდან”) დეკლარაციაშიც უწერია, რომ გომისმთაზე მიწა აქვს დარეგისტირებული და მასზე გამოძიება დაწყებულია, მაგრამ არა სისხლის სამართლებრივი დევა, რაცაც პროკურატურა რიგითი მოქალაქეების მიმართ თვაისუფლად ახორციელებს. სინამდვილეში შარშან ეს მიწები ხელისუფლებამ რიგით მოქალაქეებს მარტივად მისცა და თავისუფლად დაარეგისტრირებინა. ამ ქმედების მიზანი იყო, რომ წინასაარჩევნოდ მთავრობას ხმების მობილიზება მოეხდინა. ახლა კი იბარებენ ხალხს და ამ მიწებს ედავებიან და ბრალს დებენ. ასეთი ხელისუფლება გვყავს დღეს”- განაცხადა დავით მჟავანაძემ.
აღნიშნულ განცხადებას დაპირისპირება მოჰყვა. მჟავანაძეს ”ქართული ოცნების” წევრი გელა აროშიძე დაუპირისპირდა. შემდეგ კონფლიქტში სხვა დეპუტატებიც ჩაერთნენ. საკრებულოს წევრებმა ერთმანეთს აგინეს.
რაც შეეხება ხელისუფლების პოზიციას, ოზურგეთის მერის მოადგილემ გიორგი ღურჯუმელიძემ განაცხადა, რომ ოპოზიცია კვლავ დესტრუქციული ქმედებებით გამოირჩევა და საკრებულოს ოპოზიციონერი წევრები სიცრუეში დაადანაშაულა.
“ნაციონალური მოძრობა” ეს დესტრუქციული ძალა ყოველთვის ცდილობს არეულობა შემოიტანოს საკრებულოს სხდომაზე და ნორმალურ მსვლელობას შეუშალოს ხელი. მათი განცხადებები და აქტივობები ტყუილზეა აგებული. დღესაც ამის მოწმეები გავხდით. სხდომაზე განხილება ბიუჯეტის ზრდა, რომელიც 60 მილიონს გადააჭარბებს, ასევე, სოციალური მეწარმეების ხელშეწყობის პროექტი და სხვადასხვა მნიშვნელოვანი საკითხები, რაც მუნიციპალიტეტის განვითარებისთვის აუცილებელია. ამის გადაფარვის მიზნით აწყობენ პროვოკაციებს. თუმცა ჩვენ ამ საკითხს ადეკვატურად გავცემთ პასუხს. არაერთი შეურაცხყოფის ფონზე მიმდინარეობს სხდომა, როდესაც დესტრუქციული ძალა შეურაცხყოფას აყენებს სხვადასხვა პიროვნებას. შესაბამისად მათი მხრიდან ზრდილობაზე საუბარი ზედმეტია. რაც შეეხება გომისმთას UNDP სთან თანამშრომლობით მუნიციპალიტეტმა გამოაცხადა ტენდერი და შეიძინა გომისმთის განვითარების გეგმა. რომლის კონცეფქიის პირველი ეტაპი წარმოდგენილი იქნა დღეს საკრებულოს სხდომაზე დასამტკიცებლად. შემდეგი ეტაპია მისი დეტალური გეგმა. იქ იქნება განხილული ყველა ქონებრივი საკითხი. თუ დარღვევაა შესაბამისი ირგანოები შესაბამის მოქმედებებს გაატარებენ კანონით დადგენილი ყველა პროცედურის გათვალისწინებით,”- განაცხადა მერის მოდგილემ გიორგი ღურჯუმელაძემ.
Loading ...
