"გზაში პოლიციელებს, რომ მივყავდი ავარიაში მოვყევი და ეს ინციდენტი ჩემს დამკავებელს არ ახსოვს"

18 ნოემბერს, პარლამენტთან დაკავებული, დიმიტრი ბიძინაშვილი აცხადებს, რომ დაკავების შემდეგ ავარიაში მოყვნენ, რაც „პოლიციას აღარ ახსოვს“.

მისივე თქმით, საპატრულო პოლიციის წარმომადგენელი, რომელიც სასამართლო პროცესზე იკითხება, მის დაკავების ადგილზე არ ყოფილა.

„გზაში პოლიციელებს, რომ მივყავდი ავარიაში მოვყევი და ეს ინციდენტი ჩემს დამკავებელს არ ახსოვს. ვერც ემახსოვრება, რადგან მას არ დავუკავებივარ. ავარიაში მოყოლილი მანქანით მივედით, კარები არ ჰქონდა“,- აცხადებს ბიძინაშვილი.

ამ წუთებში თბილისის საქალაქო სასამართლოში 18 ნოემბერს, პარლამენტთან დაკავებულების გიგა მაქარაშვილის, ირაკლი კაჭარავას, დიმიტრი ბიძინაშვილის, ირაკლი ნადირაძის, დავით მჟავანაძისა და პაატა სოსონაშვილის სასამართლო პროცესი მიმდინარეობს. აღნიშნული პირების მიმართ გამოძიება ადმინისტრაციული კოდექსის 166-ე და 173-ე მუხლებით მიმდინარეობს, რაც 15 დღით თავისუფლების აღკვეთას ან ფინანსურ სანქციას გულისხმობს.

შეგახსენებთ, რომ მოსამართლე ვალერიან ფილიშვილის გადაწყვეტილებით დაკავებული 36 პირი, გუშინ გათავისუფლდა. მათ შორის, გიგა მაქარაშვილი, ზუკა ბერძენიშვილი, ბექა ბასილაია არიან.

primetime.ge