გვიან ღამით ბათუმში ორი ადამიანი დაჭრეს

ბათუმში ღამით  ორი ადამიანი დაჭრეს. შემთხვევა გვიან ღამით, “მაჭახელას” მიმდებარე ტერიტორიაზე მოხდა.

tv 25  – ის ინფორმაციით, დაჭრილები სასწრაფო-სამედიცინო დახმარების ჯგუფმა სამედიცინო დაწესებულებაში გადაიყვანა. პაციენტებმა კლინიკა მალევე დატოვეს, რადგან ჭრილობები მძიმე არ იყო და მათ სიცოცხლეს საფრთხე არ ემუქრებოდა.

შინაგან საქმეთა სამინისტროს ინფორმაციით, მომხდარზე 1 პირი უკვე დააკავეს. გამოძიება სისხლის სამართლის კოდექსის 118-ე მუხლით მიმდინარეობს, რაც ჯანმრთელობის განზრახ ნაკლებად მძიმე დაზიანებას გულისხმობს.