დამოუკიდებელი ექსპერტი ალექსანდრე გეჯაძე, რომელიც გარდაცვლილი ოპერატორის, ლექსო ლაშქარავას საქმეშია ჩართული ამბობს, რომ სიკვდილის მიზეზზე საუბრის საფუძველი ჯერ არ არსებობს. ამის შესახებ მან პალიტრანიუსის ეთერში ისაუბრა.
გეჯაძე ამბობს, რომ სამხარაულის ექსპერტებმა ლაშქარავას ორგანიზმში 5 ნივთიერება აღმოაჩინეს, თუმცა ის ჰისტოპათომორფოლოგიური კვლევის შედეგებს ელოდება.
“მიმაჩნია, რომ მივმართო გამოძიებას ამ ექსპერტიზაში ნარკოლოგის, კლინიკური ტოქსიკოლოგისა და ნევროპათოლოგის ჩართულობის მიზანშეწონილობის თაობაზე, რადგან მოჭარბებული რაოდენობით არიან ნარკოტიკების მიმღები პირები მთლიანობაში. რომ გააჩეროთ ქუჩაში 10-დან 2-3-ს შეიძლება, ჰქონდეს, თუ 5 კომპონენტი არა, 2-3 კომპონენტი მაინც იმ ნივთიერების, რაც აღმოაჩნდა გარდაცვლილს, მაგრამ ისინი დადიან, ცხოვრობენ, მუშაობენ. სწორედ ამიტომ, მჭირდება მე ეს სპეციალისტები, რომ ერთად დავსხდეთ, ეს მონაცემები გავაანალიზოთ. თვისობრივად აღმოჩნდა ეს პრეპარატები, მაგრამ მნიშვნელობა აქვს, რა რაოდენობით იყო. ამ პრეპარატების ურთიერთდამოკიდებულებას მნიშვნელობა აქვს, ანუ აძლიერებენ თუ არა ისინი ეფექტს, ზემოქმედებას ახდენენ თუ არა უფრო მეტად ერთად აღებული სუნთქვის ფუნქციაზე, რამეთუ ამ დროს ძირითადად სიკვდილის მიზეზი არის სუნთქვის დამბლა ანუ სუნთქვის მწვავე უკმარისობა”, — განაცხადა გეჯაძემ.
Loading ...