სპეციალურმა ჟიურიმ 2020 წლის ცხოველად გერმანიაში თხუნელა გამოაცხადა. მიუხედავად იმისა, რომ გერმანიაში თხუნელების არსებობასა და გამრავლებას საფრთხე არ ემუქრება, იგი მაინც განსაკუთრებული ყურადღებისა და დაცვის ქვეშ იმყოფება. თხუნელასათვის ფიზიკური დაზიანების მიყენება ან მოკვლა გერმანიაში მკაცრად ისჯება, ამ ქმედებისათვის ჯარიმა 50 000 ევრომდე აღწევს. გერმანიაში აღნიშნავენ, რომ მიუხედავად იმ დისკომფორტისა რასაც თხუნელები უქმნიან ბაღებისა და გაზონების მფლობელებს, განსაკუთრებით აღსანიშნავია თხუნელების როლი მავნე მწერების განადგურების, ნიადაგის გაჯანსაღებისა და მისი ნაყოფიერების ზრდის საქმეში.
გერმანიაში თხუნელებთან ბრძოლა შესაძლებელია მხოლოდ არაძალადობრივი ფორმებით – შეიძლება მყრალი სუნის მქონე სხვადასხვა საგნით მათი შეშინება, თუმცა ეკოლოგიური თვალსაზრისით, რეკომენდებულია მათთან შეგუება და “მშვიდობიანი თანაცხოვრება”.
ბოლო ათი წელი წლის ცხოველად გერმანიაში სახელდებოდა ევროპული შველი, ტყის კატა, ზაზუნა, კურდღელი, ფოცხვერი, მაჩვი და სხვები.
www.dw.com
Loading ...