მამაკაცებს გერმანიის დატოვების ნებართვა არ სჭირდებათ. გერმანიის ახალი სამხედრო სამსახურის შესახებ კანონის შესახებ მედიაში არაერთი რეპორტაჟის შემდეგ, რომელიც 17-დან 45 წლამდე ასაკის გერმანელებს ავალდებულებს, ბუნდესვერს აცნობონ საზღვარგარეთ ხანგრძლივი მოგზაურობის შესახებ, გერმანიის თავდაცვის სამინისტრომ განმარტება გააკეთა ამ საკითხთან დაკავშირებით. სამინისტროს წარმომადგენლის თქმით, ნებართვა ავტომატურად გაიცემა, თუ სამხედრო სამსახური ნებაყოფლობითია. სხვა სიტყვებით რომ ვთქვათ, შეზღუდვა ამჟამად არარელევანტურია.
გერმანიის თავდაცვის სამინისტრომ საკანონმდებლო ჩარჩოს შეცვლის პირობა დადო. „ადმინისტრაციული რეგულაციებით განვმარტავთ, რომ ნებართვა გაცემულად ითვლება, როდესაც სამხედრო სამსახური ნებაყოფლობითია“, – განუცხადა სამინისტროს წარმომადგენელმა dpa-ს საინფორმაციო სააგენტოს.
ინფორმაცია იმის შესახებ, რომ კანონი 17-დან 45 წლამდე ასაკის გერმანელებს ავალდებულებს, ბუნდესვერს აცნობონ საზღვარგარეთ ხანგრძლივი მოგზაურობის შესახებ, ქართულ მედიაშიც გავრცელდა და ფართოდ განიხილებოდა.
Loading ...