გარდაიცვალა ფრანგი მსახიობი და რეჟისორი ჟან-ლუი ტრენტინიანი

91 წლის ასაკში გარდაიცვალა ფრანგი მსახიობი და რეჟისორი ჟან-ლუი ტრინტინიანი.

მსახიობის გარდაცვალება მისმა მეუღლემ მარიან ჰეპფნერმა დაადასტურა, იუწყება Lemonde.

მსახიობი „სიბერისგან გარდაიცვალა დღეს დილით საკუთარ სახლში, გარდში, საყვარელი ადამიანების გარემოცვაში“, განუცხადა მსახიობის მეუღლემ ფრანგულ მედიას.

ტრინტინიანის ყველაზე ცნობილი ნამუშევრები იყო ფილმები “მამაკაცი და ქალი”, “სიყვარული”, “გასწრება”, “და ღმერთმა შექმნა ქალი” და “კონფორმისტი”.

ვინ არის ჟან-ლუი ტრენტინიანი?

ჟან-ლუი ტრენტინიანი დაიბადა 1930 წლის 11 დეკემბერს სამხრეთ საფრანგეთში, ქალაქ პიოლანში. 19 წლის ასაკში მივიდა მოლიერის სპექტაკლზე „ძუნწი“ ჩარლზ დალინის რეჟისორობით და მიატოვა იურიდიული ფაკულტეტი თეატრალური ხელოვნებისთვის.

1956 წელს მსახიობის დებიუტი შედგა ფილმში “თუ მსოფლიოს ბიჭები …” კრისტიან-ჟაკი. იმავე წელს ტრენტინიანმა ითამაშა ბრიჯიტ ბარდოსთან ერთად როჯერ ვადიმის ფილმში “და ღმერთმა შექმნა ქალი”. მსახიობის სხვა გამორჩეულ როლებს შორისაა “ღამე მოდთან”, “დიდებული ანჟელიკა”, “გადასწრება”, “დაკარგული ბავშვების ქალაქი” და “სიყვარული”.

ჟან-ლუი ტრენტინიანი იყო ბერლინის კინოფესტივალის (ადამიანი, რომელიც იტყუება) და სეზარის ჯილდოს (სიყვარული, 2012) გამარჯვებული.