გარდაიცვალა 25 წლის გალინა ნოზაძე, რომლის დასახმარებლად საზოგადოება გაერთიანდა. ოჯახის ინფორმაციით, გალინა ნოზაძემ დამწვრობა მეუღლის მხრიდან ძალადობის შედეგად მიიღო. ქმარმა ცოლს ბენზინი გადაასხა და ცეცხლი წაუკიდა. შემზარავი ფაქტი თიანეთის მუნიციპალიტეტის სოფელ ახალსოფელში მოხდა.
ცოლზე ძალადობაში ბრალდებული მამაკაცი თემურ ყარალაშვილი სამართალდამცველებმა იმავე დღეს დააკავეს.
მომხდარზე გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.
გარდაცვლილის დის ინფორმაციით, ახალგაზრდა ქალს ფეხების გარდა ყველაფერი დამწვარი ჰქონდა. მისივე ინფორმაციით, ქმრისგან ძალადობის ფაქტს უფროსი შვილი შეესწრო, რომელიც პედაგოგის თანდასწრებით გამოიკითხა და გამოძიებას თავად უამბო ყველაფერი.
გალინა 13 ნოემბრის შემდეგ მკურნალობდა ხეჩინაშვილის სახელობის საუნივერსიტეტო კლინიკაში. თითქმის ერთი თვე ებრძოდა სიკვდილს. კლინიკაში მოთავსების დღიდან მის დასახმარებლად საზოგადოება გაერთიანდა. სამწუხაროდ, მისი გადარჩენა ვერ მოხერხდა. მიღებული, მძიმე დაზიანებების შედეგად, 10 დეკემბერს გარდაიცვალა.
Loading ...