აშშ-ის ყოფილი ვიცე-პრეზიდენტი დიკ ჩეინი 84 წლის ასაკში გარდაიცვალა.
ამის შესახებ ამერიკული მედია ოჯახზე დაყრდნობით ავრცელებს ინფორმაციას.
მათი განცხადებით, დიკ ჩეინი პნევმონიასთან და გულ-სისხლძარღვთა დაავადებებთან დაკავშირებული გართულების შედეგად, ოჯახის წევრების გარემოცვაში გარდაიცვალა.
დიკ ჩეინის კარიერა ვაშინგტონში დაახლოებით ოთხ ათწლეულს ითვლის. ის იყო თეთრი სახლის აპარატის ყველაზე ახალგაზრდა ხელმძღვანელი ჯერალდ ფორდის პრეზიდენტობისას. ასევე, წარმოადგენდა უაიომინგის შტატს აშშ-ის წარმომადგენელთა პალატაში, იკავებდა თავდაცვის მდივნის პოსტს პრეზიდენტ ჯორჯ ბუში უფროსის დროს, ამის შემდეგ კი ორი ვადით იკავებდა ვიცე-პრეზიდენტის თანამდებობას ჯორჯ ბუში უმცროსის პრეზიდენტობისას.
კომენტარები
Loading ...