გაჟონილი საიდუმლო დოკუმენტების მიხედვით, სერბეთი დათანხმდა კიევისთვის იარაღის მიწოდებას

პენტაგონის საიდუმლო დოკუმენტების მიხედვით, რომლებმაც სოციალურ ქსელებში გაჟონა სერბეთი დათანხმდა კიევისთვის იარაღის მიწოდებას, ან უკვე მიაწოდა ომში მყოფ ქვეყანას ის. სერბეთი ერთადერთი ქვეყანაა ევროპაში, რომელმაც უარი თქვა რუსეთის სანქცირებაზე უკრაინაში შეჭრის გამო.

GUARDIAN-ის ცნობით, დოკუმენტი, ევროპის მთავრობების პასუხების შეჯამება უკრაინის თხოვნაზე სამხედრო წვრთნისა და „ლეტალური დახმარების“ ან იარაღის შესახებ, იყო ერთ-ერთი ათობით საიდუმლო დოკუმენტს შორის, რომლებიც გავრცელდა.

დოკუმენტში – პასუხი რუსეთ-უკრაინის მიმდინარე კონფლიქტზე – დიაგრამის სახით ჩამოთვლილია 38 ევროპული მთავრობის „შეფასებული პოზიციები“ უკრაინის სამხედრო დახმარების თხოვნის საპასუხოდ.

დიაგრამამ აჩვენა, რომ სერბეთმა უარი თქვა უკრაინული ძალების გაწვრთნაზე, მაგრამ აიღო ვალდებულება ლეტალური დახმარების გაგზავნაზე ან უკვე მიაწოდა იგი. ასევე ნათქვამია, რომ სერბეთს აქვს პოლიტიკური ნება და სამხედრო შესაძლებლობა, მომავალში უკრაინას იარაღი მიაწოდოს.

დოკუმენტის ავთენტურობა დადგენილი არაა.