რამდენიმე წუთის წინ საქართველოს პრემიერ–მინისტრმა ირაკლი ღარიბაშვილმა განათლებისა და მეცნიერების ახალი მინისტრი წარადგინა. აღნიშნულ პოსტს გიორგი ამილახვარი დაიკავებს. რაც სეეხება უკვე ყოფილ მინისტრს, ღარიბაშვილის განცხადებით ჩხენკელმა თანამდებობა საკუთარი სურვილით დატოვა და ის საქმიანობას ქუთაისის საერთაშორისო უნივერსიტეტში გააგრძელებს.
ამილახვარი ამ დრომდე დეპუტატი იყო “ქართული ოცნებიდან” და პარლამენტის განათლების და მეცნიერების კომიტეტს თავმჯდომარეობდა.
გიორგი ამილახვარს დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტი სამართალმცოდნეობის სპეციალობით.
რაც შეეხება პარლამენტამდე მის სამუშაო გამოცდილებას:
-
2018 – 2019
საგანმანათლებლო პროგრამების აკრედიტაციის საბჭოს თავმჯდომარის მოადგილე
-
2010 – 2020
თბილისის ღია სასწავლო უნივერსიტეტის ვიცე-რექტორი, რექტორი, ასოცირებული პროფესორი სამართალში
-
2008 – 2010
ლიტვური საინვესტიციო კომპანია შპს „სავერუსის“ ფილიალი საქართველოში „სავერუს ჯორჯია“ მთავარი იურისტი
- 2007 – 2008
სახელმწიფო მინისტრის აპარატი ევროპული და ევროატლანტიკური ინტეგრაციის საკითხებში მთავარი სპეციალისტი
ამილახვარი მწვავედ გააკრიტიკეს 2020 წლის ოქტომბერში, ვაკის პარკში, ახლადგახსნისლ შადრევანში ბავშვებისთვის დენის დარტყმის შესახებ გაკეთებული განცხადების გამო. მომხდარს 13 წლის მოზარდი ემსხვერპლა.
“ბავშვს უნდა ჰყავდეს მეთვალყურე, რომ არ ჩავიდეს იმ ადგილას, სადაც რეკონსტრუქცია მიმდინარეობს”, — განაცხადა ამილახვარმა, როდესაც ჯერ კიდევ არ იყო ცნობილი ბავშვის გარდაცვალების შესახებ.
მოგვიანებით მან მოუბოდიშა დაღუპული ბავშვის ოჯახის წევრებს. მისი განმარტებით, თავდაპირველი განცხადების დროს არ ჰქონდა ინფორმაცია, რომ შემთხვევა რეაბილიტაციადასრულებულ შადრევანში მოხდა.
განათლების აწ უკვე ყოფილი მინისტრი მიხეილ ჩხენკელი, მთავრობის ინფორმაციით, აკადემიურ საქმიანობას უბრუნდება და მუშაობას ქუთაისის საერთაშორისო უნივერსიტეტის საერთაშორისო მრჩეველთა საბჭოს თავმჯდომარედ გააგრძელებს.
Loading ...
