„საერთო ჯამში, ოპერაციაში გამოყენებული იქნა 117 დრონი. შესაბამისი რაოდენობის დრონის ოპერატორი მუშაობდა. საჰაერო ბაზებზე განადგურდა რუსეთის სტრატეგიული ფრთოსანი რაკეტების გადამზიდავების 34%.
ჩვენი ხალხი რუსეთის სხვადასხვა რეგიონში – სამ დროის სარტყელში – მოქმედებდა. ჩვენი ხალხი რუსეთის ტერიტორიიდან ოპერაციის წინ გამოიყვანეს და ახლა ისინი უსაფრთხოდ არიან – ისინი, ვინც გვეხმარებოდნენ.“
„ჩვენი ოპერაციის „ოფისი“ რუსეთში, ერთ-ერთ რეგიონში, უშუალოდ FSB-ის შტაბ-ბინის გვერდით იყო განთავსებული.“ – ვოლოდიმირ ზელენსკი.
ოპერაცია “ობობის ქსელების” წარმატებით განხორციელების შესახებ უკრაინის უსაფრთხოების სამსახურის შეფმა, ვასილი მალიუკმა ოფიციალური ანგარიში ჩააბარა ზელენსკის.
რის შემდეგაც, ვოლოდიმირ ზელენსკიმ სპეციალური განცხადება გაავრცელა: „აბსოლუტურად ბრწყინვალე შედეგი. უკრაინის დამოუკიდებელი შედეგი. ერთი წელი, ექვსი თვე და ცხრა დღე დაგვჭირდა დაგეგმვის დაწყებიდან ეფექტურ განხორციელებამდე.
ჩვენი ოპერაცია ყველაზე შორს მიმავალია. ჩვენი ხალხი, ვინც ოპერაცია მოამზადა, რუსეთის ტერიტორიიდან დროულად იქნა გაყვანილი.
ყველაფრის თქმა ახლა არ შეგვიძლია, მაგრამ ეს არის უკრაინული ქმედებები, რომლებიც ნამდვილად შევა ისტორიის სახელმძღვანელოებში.
უკრაინა თავს იცავს, და სრულიად სამართლიანად – ჩვენ ყველაფერს ვაკეთებთ იმისთვის, რომ რუსეთმა იგრძნოს ამ ომის დასრულების საჭიროება. რუსეთმა დაიწყო ეს ომი, რუსეთმა უნდა დაასრულოს იგი. დიდება უკრაინას!“
კომენტარები
Loading ...