განააახლა თუ არა სასწავლო პროცესი ყველა საჯარო სკოლამ ოზურგეთში

ოზურგეთის მუნიციპალიტეტის სკოლებმა დღეს სასწავლო პროცესი განაახლეს. სწავლა საკლასო ოთახებში ზამთრის არდადეგების შემდეგ 42 სკოლამ დაიწყო. როგორც საგანმანათლებლო რესურსცენტრის უფროსმა ლელა იმედაშვილმა გვითხრა, გამონაკლისი მხოლოდ ორი საჯარო სკოლაა, N 1 და ურეკის . პირველ საჯარო სკოლაში გათბობის გაუმართაობის გამო მეხუთედან მეთორმეტე კლასების ჩათვლით სასწავლო პროცესი ხვალ განახლდება და აღნიშნული კლასები განაცდურ დღეს შაბათს აინაზღაურევენ. დაწყებით კლასებში კი სწავლა ჩვეულებრივ დაიწყო. რაც შეეხება ურეკს, როგორც იმედაშვილმა აღნიშნა, იქ სწავლა სარემონტო სამუშაოების გამო სხვა შენობაში, ჰიბრიდული წესით მიმდინარეობს. რაც შეეხება ეპიდსიტუაციას, ჯერჯერობით ამ კუთხით სიტუაცია მშვიდია.