ამჟამად ინფექციის გავრცელების ორი მთავარი ფაქტორია: ერთი არის საოჯახო ფაქტორი და მეორე გახლავთ კვების დროს ინფექციის გავრცელების ფაქტორი, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ გადაცემა Forbes Health-ში საუბრისას განაცხადა.
როგორც გამყრელიძემ აღნიშნა, საუბარია კვების ობიექტებზე, თუმცა, მისივე თქმით, მაღალი დონის რესტორნებში საკმაოდ კარგად იცავენ წესებს.
გარდა ამისა, NCDC-ის ხელმძღვანელმა აღნიშნა, რომ რეკომენდაციებს მოლებიც საკმაოდ კარგად იცავენ.
„ჩვენ მონიტორინგს ვაწარმოებთ ტესტირებით. მოლებში და ბაზრობებზეც სხვა ჯგუფებთან შედარებით შედარებით ნაკლებია დადებითობის მაჩვენებელი, რასაც ვერ ვიტყვით კვების ობიექტებზე, მხოლოდ რესტორნებს არ ვგულისხმობ“, – აღნიშნა გამყრელიძემ.
რაც შეეხება 4 მაისიდან 12 მაისის ჩათვლით გამოცხადებული არდადეგების შედეგებს, გამყრელიძის თქმით, ეს ცოტა მოგვიანებით უნდა შეფასდეს, ვინაიდან ამის შედეგებს მოგვიანებით დავინახავთ.
Loading ...