ხელვაჩაურში დაღუპული და-ძმა დარია და ტარიელ ფარტენაძეები არიან | მათი ცხედრები დღეს სოფელ აჭარის აღმართში საცხოვრებელი სახლიდან მოშორებით, საკარმიდამო ნაკვეთში იპოვეს. შსს-ს ცნობით, „გამოძიების პირველადი ინფორმაციით, მათი გარდაცვალება გამოიწვია მოყინვამ”.
“ტარიელი გავიდა 8 საათზე მეზობელთან, ვერ მივიდა მეზობლის სახლამდე, გზაზე წაიქცა. ზოგადად ტაროს ხშირად უკავდებოდა ხელ-ფეხი, ალბათ ახლაც ეგ დაემართა, დაეცა და ადგომა ვერ შეძლო. გაიყინა სიცივეში. დილის 9-მდე იქ იმყოფებოდა, დამ ვერ იპოვა, რადგან სულ სხვა ადგილას ეძება, სადაც ძმის ტელეფონი იყო – იქ. დარია ტელეფონით რეკავდა ოჯახის წევრებთან, ღამის 12 საათამდე ეძება. ტელეფონის ფანრით ათვალიერებდა გარემოს, ამ დროს გადავარდა შემთხვევით წყალში. იქ დაიღუპა”. ამბობენ მათი ახლობლები ამბები.ჯი-სთან
საუბრისას.
მომხდართან დაკავშირებით შსს-მ გამოძიება სისხლის სამართლის კოდექსის 116-ე მუხლით დაიწყო, რაც სიცოცხლის გაუფრთხილებლობით მოსპობას გულისხმობს.
ფოტოკოლაჟი “მთავარი”-ს ფეისბუქ გვერდიდან.
Loading ...