გამოქვეყნდა აშშ-ის ეროვნულ დემოკრატიული ინსტიტუტის საზოგადოებრივი აზრის კვლევის მარტის შედეგები. დოკუმენტის პოლიტიკური აქტივობის თავის მიხედვით, გამოკითხულთა უდიდეს ნაწილს მიაჩნია, რომ მის შეხედულებებთან არცერთი პოლიტიკური პარტია არ დგას – ამ პასუხს მხარს 57% უჭერს. 17% აცხადებს, რომ მის შეხედულებებთან ახლოს “ქართული ოცნებაა”, 10% ამბობს რომ “არ იცის”; 7% პასუხზე უარს ამბობს, 5% კი მიიჩნევს, რომ მასთან ახლოს “ერთიანი ნაციონალური მოძრაობაა”. სხვა დანარჩენ პოლიტიკურ პარტიებს მის შეხედულებებთან ახლოს მოსახლეობის 6% ასახელებს.
ამასთან, ასაკობრივ ჭრილში, პოლიტიკური პარტიებისგან ყველაზე მეტი სიუცხოე 18-34 ასაკობრივ ჯგუფშია, სადაც გამოკითხულთა 70% აცხადებს, რომ მის შეხედულებებთან არცერთი პარტია დგას. 35-54 ასაკობრივ ჯგუფში ეს მაჩვენებელი 59%-ია, ხოლო 55+ მოსახლეობაში 43%.
კვლევა 17-23 მარტის პერიოდში ქვეყნის მასშტაბით ჩატარებულ საქართველოს ზრდასრული მოსახლეობის წარმომადგენლობით სატელეფონო გამოკითხვის შედეგებს ემყარება (ოკუპირებული ტერიტორიების გამოკლებით). მარტში ჩატარებული გამოკითხვა 1 032 დასრულებულ ინტერვიუს მოიცავს. საშუალო ცდომილების ზღვარი +/- 2 პროცენტია.
Loading ...