გაიმართება თუ არა ოზურგეთში ''ბოლო ზარის'' ღონისძიებები

  ოზურგეთის საჯარო სკოლებში, ისევე, როგორც მთელ საქართველოში, ,,ბოლო ზარის’’ ღონისძიება არ გაიმართება. როგორც ოზურგეთის     საგანმანათლებლო რესურსცენტრის ხელმძღვანელმა, ლელა იმდაშვილმა განაცხადა, ეს  გადაწყვეტილება განათლებისა და მეცნიერების   სამინისტრომ, ჯანდაცვის სამინისტროსთან შეთანხმებით, კორონავირუსის გავრცელების საშიშროებიდან გამომდინარე მიიღო. როგორც   იმედაშვილმა აღნიშნა, ,, ბოლო ზარს’’ მეთორმეტეკლასელები, სიმბოლურად, თავიანთ კლასში, კლასელებთან ერთად მოკრძალებულად   აღნიშნავენ და ამ დღეს არ იქნება სასკოლო ღონისძიება – არც დახურულ და არც ღია სივრცეში და სკოლებს არ ეყოლებათ სტუმრები.   საგულისხმო დეტალი გახლავთ ის, რომ გასულ წელს ,, ბოლო ზარი’’ სკოლებში დისტანციურად აღინიშნა და მოსწავლეებს მშობლიურ       სკოლებში მისვლის შესაძლებლობაც არ ჰქონიათ.