გაიზრდება თუ არა ელექტროენერგიის საფასური – სემეკ-ი სხდომა

საქართველოს ენერგეტიკისა და წყალმომარაგების მარეგულირებელი ეროვნული კომისიის სხდომაზე ელექტროენერგიის სამომხმარებლო ტარიფის ცვლილების საკითხს განიხილავენ.

როგორც სხდომაზე სემეკ-ის თავმჯდომარე დავით ნარმანიამ განაცხადა, ეკონომიკური და ტარიფის მდგენელი პარამეტრების გათვალისწინებით, კომისიამ მიზანშეწონილად მიიჩნია ელექტროენერგიის ტარიფების კორექტირება.

სხდომაზე სემეკ-ის შესაბამისი დეპარტამენტები ტარიფის გაანგარიშების შესახებ საკითხს წარადგენენ, რაზეც შემდეგ კომისია იმსჯელებს.

„კომისია უყურებს ეკონომიკურ და ტარიფის მდგენელ პარამეტრებს და საჭიროა ტარიფების გადახედვა. კომისიამ მიიჩნია მიზანშეწონილად, დავაკორექტიროთ ელექტროენერგიის ტარიფები, რასაც ჩვენ სამომხმარებლო ტარიფს ვეძახით. მიეცა შესაბამისი დავალება ტარიფების და ეკონომიკური ანალიზის დეპარტამენტს. ისინი გაანგარიშებას წარმოადგენენ და კომისია ამაზე იმსჯელებს“, – განაცხადა დავით ნარმანიამ.