ევროსა და დოლარში სესხებზე საპროცენტო განაკვეთები კიდევ გაიზრდება – საბანკო ასოციაციის ცნობით, გაძვირება სამი-ოთხი პროცენტით მოხდება.
მიზედად ამერიკის ფედერალური რეზერვის და ევროპის ცენტრალური ბანკის მიერ მონეტარული პოლიტიკის გამკაცრება სახელდება.
რაც შეეხება ლარში აღებულ სესხებს, არსებობს მოლოდინი, რომ პროცენტი ამ შემთხვევაში შემცირდება.
“ევროსა და დოლარში საპროცენტო განაკვეთები უკვე გაიზარდა. მონეტარული პოლიტიკის გამაკაცრება შესაძლებელია კიდევ უფრო მეტად ვიხილოთ ევროს მიმართულებით. ფედერალურ რეზერვს, ჯერ არ გაუცხადებია დოლარში საპროცენტო განაკვეთის ზრდა. დაახლოებითმ 3-4%-ით უკვე გაიზარდა საპროცენტო განაკვეთები. ამასთან, ერთად მზარდი ხასიათი მიიღო საპროცენტო განაკვეთებმა, უკვე არსებულ სესხებზე, მათი ზღვარი უკვე გასცდა, იმ რესურსის ღირებულებას, რაც საბანკო სექტორს აქვს“– აცხადებს საქართველოს საბანკო ასოცოაციის პრეზიდენტი.
ექსპერტების აზრით, თუ მონეტარული პოლიტიკის განაკვეთი შემცირებას დაიწყებს, ამან შეიძლება გამოიწვიოს საპროცენტო განაკვეთების შემცირება, თუმცა ეროვნული ბანკის განცხადებებიდან გამომდინარე, ნაკლებად მოსალოდნელია, რომ ეს პირველ ნახევარში განხორციელდეს.
“სავარაუდოა, რომ ეროვნული ბანკი მას განახორციელებს წლის მეორე ნახევარში, თუ ის დაინახავს, რომ ინფლაცია უფრო სწრაფად უახლოვდება მიზნობრივ 3%-იან მაჩვენებელს. ამ შემთხვევაში ეროვნული ბანკი 1 პროცენტული პუნქტით შეამცირებს მონეტარული პოლიტიკის განაკვეთს, ეს კი გადაეცემა საბაზრო საპროცენტო განაკვეთებს, განსაკუთებით კი წლის ბოლოსკენ“– აცხადებს ექსპერტი.
Loading ...